МӘДЕНИЕТ ЖӘНЕ СПОРТ

Халықты рухани-адамгершілік және патриоттық тәрбиелеуде мәдениет саласы ерекше мәнге ие.

Есепті күнге ауданда барлық меншік нысанындағы 43 мәдениет объектісі жұмыс істейді, оның ішінде: 19 – клуб үлгісіндегі мекеме, 23 – кітапхана, 1 – тарихи-өлкетану музейы, олардың қызметі мәдени мұраны сақтауға және дамытуға бағытталған.

2022 жыл ішінде ауданның мәдениет саласының нысандарымен 2230 іс – шара өткізілді, оған 33626 адам қатысты.

Есіл ауданы бойынша тарихи-мәдени маңызы бар 107 нысан бар:

1-тарих және мәдениет ескерткіштерінің мемлекеттік тізіміне енгізілген қала құрылысы және сәулет ескерткіші,

36-археология ескерткіштері (жерлеу, қорымдар және т. б.),

20-интернационалист жауынгерлерге арналған ескерткіштер, құлақ көтерілісінің құрбандары, жаппай қабірлер және т.б. тізімдік есепке алынған.

50-Ұлы Отан соғысына қатысушыларға арналған ескерткіштер.

«Қазақстанның киелі геграфиясы» арнайы жобасын іске асыру шеңберінде жергілікті маңызы бар мемлекеттік Тарих және мәдениет ескерткіштерінің тізіміне Бұлақ ауылдық округінің аумағында орналасқан Құлсары батырдың жерленген жері енгізілді.

Жыл сайын мәдениет мекемелерінің материалдық-техникалық базасы нығайтылады.

Аудан кітапханаларының кітап қоры – 204 мың 229 дана, оның ішінде мемлекеттік тілде - 74 мың 800 дана. Жаңа әдебиеттерді сатып алуға бюджеттен 1500,0 мың теңге (872 дана) бөлінді.

Ағымдағы жылы Покровка ауылындағы Мәдениет үйін 39,7 млн теңге жалпы сомаға күрделі жөндеу жұмыстары аяқталды (шатырды, терезе блоктарын ауыстыру, төбені, қабырғаларды жөндеу).      

2022 жылы аудандық Мәдениет үйінің ғимаратын ішкі күрделі жөндеуге ЖСҚ әзірленді.

Покровка ауылдық Мәдениет үйі жанындағы «Батыр боламын» қорының қолдауымен «Қазақстан халқына» қорының есебінен 5,1 млн. теңге сомасына боксқа арналған спорт залы ашылып, жарақтандырылды. Қазіргі уақытта жалпы саны 30 адамды қамтитын каратэ және бокстан екі секция ашылды. Жаттығу аптасына үш рет жүргізіледі.

2022 жылы «Агрофирма Есіл» ЖШС Чириковка ауылындағы ауылдық клуб ғимаратын Заречный ауылдық округі әкімдігінің балансына берілді. Ауылдық клубты жөндеуге ЖСҚ әзірленіп, мемлекеттік сараптамадан өтті.

2022 жылы Өрнек ауылында біздің өңіріміздің аумағында тұратын XVIII ғасырдағы аңызға айналған батырлардың бірі Жаңатай батырдың мүсіні ашылды.

2022 жылы Петровка ауылының тұрғындары үшін «Мәдениет» жеке қорының директоры, меценат Марат Қабдушев Жеңіс аллеясын ашты.

Есіл ауданында «Халық» атағы бар 3 ұжым: «Отрада» ардагерлерінің вокалдық ұжымы, аудандық Мәдениет үйі жанындағы «Шабыт» театры, Ясновка ауылдық Мәдениет үйі жанындағы «Яснянка» вокалдық әйелдер тобы. Аудандық Мәдениет үйінің жанынан ауданның қоғамдық-саяси өмірінің белсенді қатысушылары болып табылатын «Жерлес» және «Звонница» этномәдени бірлестіктері табысты жұмыс істеуде.

СПОРТ

Ағымдағы жылы ауданда келесі спорттық ғимараттар жабдықталды: облыстық спорт басқармасынан Корнеевка ауылында пластикалық хоккей қорабы беріліп, орнатылды, Явленка ауылында жалпы сомасы 12 млн. теңгеден астам пластикалық хоккей қорабы орнатылды.

2022 жылы аудандық бюджеттен спорттық мүкәммалды сатып алуға 5 млн. теңгеден астам қаражат бөлінді (оқ-дәрілер, муляждар, үлкен футболға арналған аяқ-киім, шорт-трекке арналған коньки).

Спорттық мүкәммалды сатып алуға облыстық бюджеттен 8,2 млн. теңге бөлінді. (6 млн.теңгеге: 10 ойыншыға және 1 қақпашыға арналған хоккей формасы, конькиді қайрауға арналған станок алынды, 2,2 млн.теңгеге: Петровка ауылдық округі үшін балуан төсеніші және 3 жұп шаңғы алынды).

Спортты дамытуға агроқұрылымдардың басшылары да белсенді қатысады. Мәселен, «Ильинское» ЖШС өз қаражаты үшін 130,0 млн. теңге сомасына ойын спорт кешені салынды. Сондай-ақ, «Заградовское» ЖШС, «Бұлақ-Астық» ЖШС, «Бай Еңбек» ЖШС, «Ғайса» ЖШС Заградовка, Бұлақ, Еңбек және Қарағаш ауылдарында шағын футбол алаңдары салынды.

2023 ЖЫЛҒА АРНАЛҒАН ЖОСПАРЛАР

2023 жылы Заречный а/о Чириковка ауылында 320 млн. теңге сомасына ауылдық клубты күрделі жөндеу жоспарлануда. Және МЖӘ шеңберінде Амангелді а/о Амангелді ауылындағы ауылдық клубты ағымдағы жөндеу.

2023 жылға спорт желісі бойынша 3 футбол алаңын орнату жоспарлануда, оның ішінде: Тауағаш ауылында («Явленская МТС» ЖШС), Амангелді ауылында («Агрохимснаб» ЖШС), Корнеевка ауылында («Луговое» ЖШС).